2 Corinthians 13
Study Bible
Examine Yourselves

Τρίτον  τοῦτο  ἔρχομαι  πρὸς  ὑμᾶς·  ἐπὶ  στόματος  δύο  μαρτύρων  καὶ  τριῶν  σταθήσεται  πᾶν  ῥῆμα.  προείρηκα  καὶ  προλέγω,  ὡς  παρὼν  τὸ  δεύτερον  καὶ  ἀπὼν  νῦν,  τοῖς  προημαρτηκόσιν  καὶ  τοῖς  λοιποῖς  πᾶσιν,  ὅτι  ἐὰν  ἔλθω  εἰς  τὸ  πάλιν  οὐ  φείσομαι,  ἐπεὶ  δοκιμὴν  ζητεῖτε  τοῦ  ἐν  ἐμοὶ  λαλοῦντος  Χριστοῦ,  ὃς  εἰς  ὑμᾶς  οὐκ  ἀσθενεῖ  ἀλλὰ  δυνατεῖ  ἐν  ὑμῖν.  καὶ  γὰρ  ἐσταυρώθη  ἐξ  ἀσθενείας,  ἀλλὰ  ζῇ  ἐκ  δυνάμεως  Θεοῦ.  καὶ  γὰρ  ἡμεῖς  ἀσθενοῦμεν  ἐν  αὐτῷ,  ἀλλὰ  ζήσομεν  σὺν  αὐτῷ  ἐκ  δυνάμεως  Θεοῦ  εἰς  ὑμᾶς. 

Ἑαυτοὺς  πειράζετε  εἰ  ἐστὲ  ἐν  τῇ  πίστει,  ἑαυτοὺς  δοκιμάζετε·    οὐκ  ἐπιγινώσκετε  ἑαυτοὺς  ὅτι  Ἰησοῦς  Χριστὸς  ἐν  ὑμῖν;  εἰ  μήτι  ἀδόκιμοί  ἐστε.  ἐλπίζω  δὲ  ὅτι  γνώσεσθε  ὅτι  ἡμεῖς  οὐκ  ἐσμὲν  ἀδόκιμοι.  εὐχόμεθα  δὲ  πρὸς  τὸν  Θεὸν  μὴ  ποιῆσαι  ὑμᾶς  κακὸν  μηδέν,  οὐχ  ἵνα  ἡμεῖς  δόκιμοι  φανῶμεν,  ἀλλ’  ἵνα  ὑμεῖς  τὸ  καλὸν  ποιῆτε,  ἡμεῖς  δὲ  ὡς  ἀδόκιμοι  ὦμεν.  οὐ  γὰρ  δυνάμεθά  τι  κατὰ  τῆς  ἀληθείας,  ἀλλὰ  ὑπὲρ  τῆς  ἀληθείας.  χαίρομεν  γὰρ  ὅταν  ἡμεῖς  ἀσθενῶμεν,  ὑμεῖς  δὲ  δυνατοὶ  ἦτε·  τοῦτο  καὶ  εὐχόμεθα,  τὴν  ὑμῶν  κατάρτισιν.  10 Διὰ  τοῦτο  ταῦτα  ἀπὼν  γράφω,  ἵνα  παρὼν  μὴ  ἀποτόμως  χρήσωμαι  κατὰ  τὴν  ἐξουσίαν  ἣν    Κύριος  ἔδωκέν  μοι  εἰς  οἰκοδομὴν  καὶ  οὐκ  εἰς  καθαίρεσιν. 

Final Greetings and Blessing

11 Λοιπόν,  ἀδελφοί,  χαίρετε,  καταρτίζεσθε,  παρακαλεῖσθε,  τὸ  αὐτὸ  φρονεῖτε,  εἰρηνεύετε,  καὶ    Θεὸς  τῆς  ἀγάπης  καὶ  εἰρήνης  ἔσται  μεθ’  ὑμῶν.  12 Ἀσπάσασθε  ἀλλήλους  ἐν  ἁγίῳ  φιλήματι.  13 Ἀσπάζονται  ὑμᾶς  οἱ  ἅγιοι  πάντες. 

14   χάρις  τοῦ  Κυρίου  Ἰησοῦ  Χριστοῦ  καὶ    ἀγάπη  τοῦ  Θεοῦ  καὶ    κοινωνία  τοῦ  Ἁγίου  Πνεύματος  μετὰ  πάντων  ὑμῶν.  ⧼Ἀμήν⧽. 

Greek and Hebrew Study Bible Base Texts:

Hebrew Text: Westminster Leningrad Codex
Greek Text: Nestle 1904; Variants: {TR} ⧼RP⧽ (WH) 〈NE〉 [NA] ‹SBL›

Study Bible © 2011 - 2013 by Biblos.com in cooperation with Helps Ministries. For comparative study, where possible, chapter and verse numbers on Biblos.com sites are mapped to the traditional convention used by the KJV, NASB, NIV and others. Section Headings Courtesy INT Bible © 2012, Used by Permission.

Bible Hub

2 Corinthians 12
Top of Page
Top of Page